Við hjá Lagernum Iceland erum að leita að öflugum og sjálfstæðum sérfræðingi í upplýsingatækniteymi okkar. Starfið er tvíþætt þar sem helmingurinn er tæknivinna á borð við tækjastjórnun, aðgangstjórnun, öryggismál og sjálfvirknivæðingu. Hinn helmingurinn snýr að þjónustu og notendaaðstoð, móttöku nýrra starfsmanna og stuðningi við verslanirnar okkar. Sérfræðingur í upplýsingatækni heyrir beint undir forstöðumann upplýsingatæknisviðs og vinnur náið með kerfisstjóra.

Helstu verkefni

• Tækjastjórnun: umsjón með um 360 tækjum í Microsoft Intune og NinjaOne, þar með talið Windows fartölvur og vinnustöðvar, NCR afgreiðslukassar, Zebra handtölvur, farsíma. Einnig umsjón með prenturum, myndavélakerfum og ýmsum öðrum tölvubúnaði sem snýr að verslunarrekstri.

• Öryggi og regluvarsla: eftirfylgni með öryggisuppfærslum, grunnstillingum og Microsoft Defender viðvörunum.

• Uppsetning og eignaumsýsla: uppsetning, endurnýjun og afskráning búnaðar í verslunum og vöruhúsum.

• Notendaþjónusta: aðstoð við um 300 notendur á Íslandi og í Færeyjum í gegnum Zoho Desk og á starfsstöðvum sem eru fimmtán samtals.

• Nýliðun og starfslok: umsjón með aðgangi, leyfum og búnaði við ráðningar og starfslok.

• Sjálfvirknivæðing: Þróun lausna með PowerShell, Autopilot, Claude.ai o.fl. lausnum til þess að straumlínulaga og einfalda rekstur og eftirlit tölvukerfa, notendumsýslu og aðra þætti starfseminnar.

• Skjölun: Halda utan um og viðhalda skjölun á tölvumhverfi deildarinnar, breytingum á því ásamt leiðbeiningum og kynningarefni til starfsmanna.

Hæfni

• Að minnsta kosti 3 ára reynsla af tækjastjórnun, tækniþjónustu eða rekstri upplýsingatæknikerfa

• Reynsla og þekking á uppsetningu og umsjón á Windows 10/11 stýrikerfinu

• Hagnýt reynsla af Microsoft Intune eða sambærilegu MDM-kerfi

• Þekking á Microsoft 365 stjórnun: Entra ID, Exchange Online og Teams/SharePoint

• Færni í PowerShell skriftugerð.

• Áhugi og skilningur á upplýsingatækniöryggi.

• Sjálfstæði í starfi og geta til að forgangsraða milli þjónustubeiðna og verkefna.

• Rík þjónustulund og skýr samskipti við starfsfólk verslana.

• Nákvæm vinnubrögð og ábyrgð á þjónustu við notendur.

• Mjög gott vald á íslensku er skilyrði, góð enskukunnátta einnig nauðsynleg

Kostur

• Þekking á Windows AD, Group Policies og grunnþekking á Windows servers

• Þekking á Microsoft 365 rekstri

• Reynsla af NinjaOne eða sambærilegum RMM-verkfærum, Microsoft Defender og Microsoft Intune.

• Þekking á Business Central og LS Retail

• Þekking á rekstri á prenturum, prentþjónum og kassakerfum úr verslunarumhverfi.

• Þekking á Unify myndavéla- og aðgangstýringarkerfi

• Grunnþekking á netkerfum og öryggismálum

Starfsumhverfið

• Raunveruleg ábyrgð á öllum tækjaflota samstæðunnar.

• Nútímalegt Microsoft skýjaumhverfi með umboð til að bæta það.

• Taka þátt í vinnu við að þróa rekstur og eftirlit á nútíma tölvumhverfi þar sem gervigreindin sinnir margvíslegum verkefnum og aðstoðar við eftirlit og

ákvarðanatöku.

• Beinan aðgang að forstöðumanni og þátttöku í stafrænni vegferð samstæðunnar.

• Tækifæri til að vaxa í átt að sérhæfingu í tækjastjórnun, öryggismálum og kerfisstjórnun.

• Fjölbreytt starf þvert á verslunarrekstur í tveimur löndum.